កីឡា៖ ខ្សែបម្រើប្រយុទ្ធក្រុមជម្រើសជាតិថៃ Chanathip Songkrasin បានចូលរួមជាមួយក្លិបម្ចាស់ពានរង្វាន់ជើងឯកជប៉ុន Kawasaki Fontale។ នេះបើតាមការប្រកាសរបស់ក្លិបកាលពីថ្ងៃអង្គារកន្លងទៅ។

បាល់ទាត់៖ កីឡាករខ្សែបម្រើប្រយុទ្ធ Scott McTominay ជាអ្នកតែតបញ្ចូលទី ១គ្រាប់ ក្រោយទទួលបាល់ពីមិត្តរួមក្រុម Fred ជួយឱ្យក្រុមបិសាចក្រហម Manchester United ឈ្នះក្រុម Aston Villa ១-០ នៅទឹកដី Old Trafford កាលពីយប់មិញ។

កីឡា៖ ក្រុមកាំភ្លើងធំ Arsenal បានធ្លាក់ចេញពីពានរង្វាន់ FA Cup បន្ទាប់ពីលេងចាញ់ក្រុម Nottingham Forest ១-០ កាលពីរាត្រីថ្ងៃអាទិត្យម្សិលមិញ។

បាល់ទាត់៖ ក្រុមជម្រើសជាតិកាមេរ៉ូន បានវាយបកយកជ័យជម្នះលើក្រុមភ្ញៀវប៊ូគីណាហ្វាសូ ២-១ សម្រាប់ថ្ងៃបើកឆាកពានរង្វាន់ប្រចាំទ្វីបអាហ្វ្រិក Africa Cup of Nations 2022 នៅរាត្រីថ្ងៃអាទិត្យម្សិលមិញ។

បាល់ទាត់៖ ក្លិបបាល់ទាត់ Newcastle បានចុះហត្ថលេខាលើខ្សែការពារស្តាំ Kieran Trippier ពី Atletico Madrid ជាមួយនឹងតម្លៃ ១២លានផោន លើកិច្ចសន្យារយៈពេល ២ឆ្នាំកន្លះ និងអាចបន្ដ ១ឆ្នាំទៀតបាន។

កីឡា៖ សហព័ន្ធខ្មែរកីឡាទោចក្រយានកម្ពុជា នឹងយកការប្រកួតកីឡាទោចក្រយានជ្រើសរើសជើងឯកថ្នាក់ជាតិប្រចាំឆ្នាំ២០២១ ដោយធ្វើឡើងនៅថ្ងៃទី១១ ដល់ថ្ងៃទី១៣ ខែមករា ឆ្នាំ២០២២នេះ នៅខេត្តសៀមរាប ដើម្បីបង្កើនគុណភាពបច្ចេកទេសដល់កីឡាករកីឡាការិនី និងបង្កើនទាំងការរៀបចំរបស់មន្ត្រីបច្ចេកទេស ដើម្បីត្រៀមខ្លួនព្រមគ្នា ក្នុងដំណើរឆ្ពោះទៅទទួលរៀបចំធ្វើជាម្ចាស់ផ្ទះ ការប្រកួតកីឡាស៊ីហ្គេម លើកទី៣២ ឆ្នាំ២០២៣។ នេះបើតាមការលើកឡើងរបស់លោក នូ ចំរើន អគ្គលេខាធិការសហព័ន្ធខ្មែរកីឡាទោចក្រយាន នៅរសៀលថ្ងៃទី៦ ខែមករា ឆ្នាំ២០២១ម្សិលមិញ។

កីឡា៖ លោក​ Pep Guardiola អ្នកចាត់ការ​ក្លិបមេឃខៀវ​ Manchester City និង​ជំនួយការ​ម្នាក់​របស់​លោក​ គឺ​ លោក​ Juanma Lillo បាន​តេស្ត​វិជ្ជមាន​កូវីដ-១៩ កាល​ពី​ថ្ងៃ​អង្គារ​កន្លង​ទៅ​នេះ​។

កីឡា៖ នៅក្នុងរដូវកាលថ្មី ឆ្នាំ២០២២នេះ លីគកំពូលកម្ពុជា មានការផ្លាស់ប្ដូរលក្ខន្ដិកៈជាច្រើន បន្ទាប់ពីមានការបង្កើតក្រុមហ៊ុន លីគបាល់ទាត់កម្ពុជា ដែលមានលោក Satoshi Saito ជានាយកប្រតិបត្តិនៃក្រុមហ៊ុនថ្មីនេះ។

បាល់ទាត់៖ ក្រុមតោខៀវ Chelsea បានយកឈ្នះលើក្រុម Spurs ក្នុងលទ្ធផល ២-០ សម្រាប់ការប្រកួតជើងទី១ ពានរង្វាន់ Carabao Cup វគ្គពាក់កណ្ដាលផ្ដាច់ព្រ័ត្រនៅយប់មិញ ខណៈកីឡាករ Kai Havertz តស៊ូប្រឹងលេងទាំងមានបញ្ហារបួសបាក់ម្រាមកូនដៃស្ដាំ មុនបញ្ចប់វគ្គទី១។

បាល់ទាត់៖ នៅរសៀលថ្ងៃទី០៥ ខែមករា ឆ្នាំ២០២២ ក្លិបបាល់ទាត់ណាហ្គាវើលដ៍ បានប្រកាសចែកផ្លូវគ្នាជាមួយកីឡាករ Márcio Marques បន្ទាប់ពីបញ្ចប់រដូវកាល ខណៈរូបគេបានក្លាយជាកីឡាករដែលរកគ្រាប់បានច្រើនជាងគេ និងជាម្ចាស់ស្បែកជើងមាស នៃពានរង្វាន់មិត្តហ្វូនខេមបូឌានលីគ រដូវកាលឆ្នាំ២០២១។

កីឡា៖ Peter Wright កីឡាករលំដាប់លេខ ២ពិភពលោក ដណ្តើមបានពានរង្វាន់កម្រិតពិភពលោកនៃព្រឹត្តិការណ៍ប្រកួតគប់ព្រួញ PDC Darts World Champion 2022 បន្ទាប់ពីយកឈ្នះលោក Michael Smith ក្នុងវគ្គផ្តាច់ព្រ័ត្រ ជាមួយនឹងប្រាក់រង្វាន់ប្រមាណ ៥សែនផោន។

កីឡា៖ ខ្សែប្រយុទ្ធតោខៀវ Chelsea កីឡាករ Romelu Lukaku បានធ្វើការសុំទោសជាសាធារណៈក្រោយបញ្ចេញមតិយោបល់មិនសមរម្យ និងបានវិលត្រឡប់ទៅហ្វឹកហាត់វិញមុនពេលប៉ះ Tottenham ក្នុងពានរង្វាន់ Carabao Cup នៅថ្ងៃពុធសប្ដាហ៍នេះ។

បាល់ទាត់៖ ក្រុមបិសាចក្រហម Manchester United បានរងបរាជ័យក្នុងដី​ក្រោមថ្វីជើងក្រុមភ្ញៀវចចកខ្មៅ Wolves ១-០ ស្របពេលកីឡាករសម្បូរបទពិសោធន៍ Cristiano Ronaldo គ្រងស្លាកប្រធានក្រុមជំនួស Harry Maguire ដែលមានបញ្ហារបួស។

កីឡា៖ លោក Tan Cheng Hoe បានលាលែងពីតំណែងជាគ្រូបង្គោលរបស់ក្រុមបាល់ទាត់ជម្រើសជាតិម៉ាឡេស៊ី បន្ទាប់ពីរងការបរាជ័យ ក្នុងការប្រកួតជម្រុះវគ្គពាក់កណ្តាលផ្តាច់ព្រ័ត្រ នៃពានរង្វាន់ AFF Suzuki Cup 2020 នៅប្រទេសសិង្ហបុរី កាលពីពេលថ្មីៗកន្លងនេះ។

បាល់ទាត់៖ ក្រុមតោខៀវ Chelsea បានប្រកួតស្មើនឹងក្រុមភ្ញៀវហង្សក្រហម Liverpool ២-២ ដែលលទ្ធផលនេះធ្វើឱ្យក្រុមកំពូលតារាង Manchester City ឡើងនាំមុខដាច់ដល់ទៅ ១០ពិន្ទុ។

កីឡា៖ ក្លិបបាល់ទាត់ Paris Saint-Germain បានបញ្ជាក់នៅថ្ងៃអាទិត្យម្សិលមិញថា កីឡាករ Lionel Messi តេស្តវិជ្ជមាន​ COVID-19 ជាមួយនឹងកីឡាករ ៣នាក់ផ្សេងទៀត ហើយកំពុងនៅដាច់ដោយឡែកពីគេ។ នេះបើតាមការចុះផ្សាយដោយសារព័ត៌មាន Sky Sport នៅថ្ងៃទី០២ ខែមករា ឆ្នាំ២០២២។

កីឡា៖ ក្រុមដំរីសឹកថៃ បានគ្រងតំណែងជើងឯកពាន AFF Suzuki Cup 2020 នៅពេលយក​ឈ្នះ​គូប្រជែងឥណ្ឌូនេស៊ី ក្នុងលទ្ធផល ៦-២ ទាំងពីរជើងនៃវគ្គផ្តាច់ព្រ័ត្ររួចមក ជាមួយនឹ​ងរង្វាន់​ដោយ​ទឹកប្រាក់ ៣០០,០០០ដុល្លារទៀតផង។ នេះជាកំណត់ត្រាទី៦ ច្រើនជាង​គេ​ ដែលថៃ​​ឈ្នះ​ជើងឯក​ប្រចាំតំបន់អាស៊ីអាគ្នេយ៍មួយនេះ ក្នុងចំណោមឡើងមកដល់វគ្គផ្តាច់ព្រ័ត្រចំនួន ៩លើក និងរង​ជើងឯកបាន ៣លើក។

ចិន៖ កីឡាករបាល់ទាត់ដែលលេងឱ្យក្រុមជម្រើសជាតិចិន ត្រូវបានហាមប្រាមមិនឱ្យចាក់សាក់ និងបានណែនាំឱ្យលុបរូបដែលពួកគេមានចេញ ក្រោមការណែនាំថ្មី។